आपतकालिन सम्पर्क नं
प्रहरी कन्ट्रोल : १००, टोल फ्री नं.: १६६००१४१५१६
नेपा
EN
माघ २०८०
फरार प्रतिवादी पक्राउ ।
२०८०-१०-२८

दैलेख, सम्मानित जिल्ला अदालत दैलेखको लागत नं. १३१९ मिति २०८०।०२।०१ गतेको फैसलाले गाली बेज्जती मुद्धाको जरिवाना रू ५०००।-( पाँच हजार ) तोकिएको फरार प्रतिबादी जिल्ला दैलेख नारायण नगरपालिका वडा नं. ०७ किमुगाउँ बस्ने बर्ष २५ को दिपेन्द्र खड्का ऐ.ऐ. स्थित बाटोमा हिडि रहेको अबस्थामा जिल्ला प्रहरी कार्यालय दैलेखबाट  खटिएको प्रहरी प्रहरी टोलिले निजलाई पक्राउ गरी सम्मानित जिल्ला अदालत दैलेखमा उपिस्थत गराईएको ।
फरार प्रतिवादी पक्राउ ।
२०८०-१०-२६

जाजरकोट,  सम्मानित उच्च अदालत पाटनको मिति २०७७।१०।०६ गतेको फैसला अनुसार बैंङ्किङ कसुर मुद्धामा फरार रहेको फरार प्रतिवादी जिल्ला जाजरकोट  छेडागाड नगरपालिका-११ बस्ने यमने चदारोको छोरा  पृथि बहादुर चदारो लाई  जिल्ला प्रहरी कार्यालय जाजरकोट बाट खटिएको प्रहरी टोलीले निजको घर नजिकै बाटोमा फेला पारी रितपुर्वक  पक्राउ गरी जिल्ला प्रहरी कार्यालय जाजरकोटमा ल्याई राखिएको, सम्मानित अदालतमा पठाउने कार्य भईरहेको ।
अवैध सुर्ति वरामद ।
२०८०-१०-२६

सुर्खेत, जिल्ला सुर्खेत पन्चपुरी नगरपालिका-३ सालकोट बजारमा सुर्खेतबाट बाबियाचौर तर्फ जादै गरेको भे.१.च. २०३७ नम्बरको रिटोल्डिङ पिक अप गाडीलाई प्रहरी चौकी सालकोटबाट खटिएको  प्रहरी टोलीले चेकजाँच गर्ने क्रममा अबैध सुपर पावर सुर्ती थान ९०० पाकेट अन्दाजि मूल्य रु. १३,५००।- (अक्षेरूपि तेह्र हजार पाँच सय मात्र) वरावरको फेला पारी नियन्त्रणमा लिइ आवश्यक कारवाहिका लागी प्रहरी चौकी सालकोटमा ल्याई राखिएको , सवारी लाई गन्तब्य तर्फ छोडिएको ।
लागूऔषध सहित मानिस नियन्त्रणमा ।
२०८०-१०-२४

जुम्ला, जिल्ला जुम्ला चन्दननाथ नगरपालिका-४ मालाभिड गाउँ स्थित बस्ने वर्ष अ.२३ की बिन्दु धिताल (मल्ल) र निजको श्रीमान बर्ष अ.२४ को योगेन्द्र मल्लले लागूऔषध (ब्राउन सुगर) सेवन गरी बिक्री बितरण गरि रहेको अवस्थामा जिल्ला प्रहरी कार्यालय जुम्लाबाट सादा पोशाकमा खटीएका  प्रहरी टोलीले निजहरुलाई ऐ. स्थान बाट फेला पारी रित पुर्वक खान तलासी गर्दा निजहरुको साथ बाट ३ (तिन) पुरिया र सेतो पलाष्टिक भित्र १ (एक) पुरिया गरि जम्मा ४ (चार) पुरिया (नापतौल गर्दा शुद्ध ६ ग्राम ६९ मिलिग्राम) लागूऔषध (ब्राउन सुगर ) जस्तो देखिने खैरो धुलो पदार्थ फेला पारि दुबै जना लाई नियन्त्रणमा लिई जिल्ला प्रहरी कार्यालय जुम्लामा ल्याई थप अनुसन्धान भईरहेको ।  
घरमा आगलागी हुदा २ जनाको मृत्यु ।
२०८०-१०-२२

मुगु, जिल्ला मुगु खत्याड गाउँपालिका-२ गाडेखोला बस्ने लाले संज्यालको श्रीमती बर्ष ३० की सरस्वती सन्ज्यालले आफ्नै घरको ३ तले ६ कोठे जस्तापाताले छाएको कच्ची घरको भुई कोठामा आगो बाली सुतीरहेको अवस्थामा एक्कासी आगलागी भई घरभित्र रहेका निजको छोरा बर्ष १४ को बिशाल संज्याल र छोरी बर्ष १२ की झरना संज्याल फेला नपरेको, ४ वटा गाई गोरुको मृत्यु भएको भनि स्थानियले प्रहरी चौकि खत्याडमा टेलिफोन मार्फत जानकारी गराए पश्चात उक्त चौकीबाट प्रहरी टोलि खटिई गई स्थानियहरुको सहयोगमा आगो पुर्ण रूपमा नियन्त्रणमा लिईएको र निज दुवै जना दाजु बहिनि आगोले जलि नचिनिने अवस्थामा फेला पारी घटनास्थलमै  डाक्टर टोलि लगी चेकजाच गर्दा मृत घोषणा गरी पोष्टमार्टम गरेको, मृतकको आमाले लाश बुझिलिएको । 
फरार प्रतिवादी पक्राउ ।
२०८०-१०-२२

जाजरकोट, सम्मानित जिल्ला अदालत जाजरकोटको मिति २०५५।०९।२१ गतेको आदेशले १ महिना कैद तोकिएको लागत नं. १२ का प्रतिबादी जिल्ला जाजरकोट नलगाड नगरपालिका-२ डाँडागाउँ बस्ने कर्ण ब. पुन को छोरा बर्ष ४७ को डिल्ली पुन लाई जिल्ला प्रहरी कार्यालय जाजरकोटबाट खटिएको प्रहरी टोलिले घर वतनमा फेला पारी पक्राउ गरी सम्मानित जिल्ला अदालतमा बुझाउने कार्य भईरहेको । 
लागूऔषध सहित मानिस नियन्त्रणमा ।
२०८०-१०-२२

सुर्खेत, जिल्ला सुर्खेत वीरेन्द्रनगर नगरपालिका-४ मित्रनगर बस्ने बर्ष ३२ को तारा बि.क. ले लागूऔषध कारोबार गरिरहेको अवस्थामा  लागूऔषध ब्युरो कर्णाली प्रदेश र अस्थायी प्रहरी पोष्ट शहिद पार्क सुर्खेत बाट खटिएको संयुक्त प्रहरी टोलिले निजको घरमा चेक जाँच गर्दा घरको ढोका माथि लुकाई छिपाई राखेको अवस्थामा नापतौल नगरेको ब्राउन सुगर जस्तो देखिने खैरो धुलो पदार्थ २ पुडिया बरामद गरी निजलाई नियन्त्रणमा लिई थप अनुसन्धान कार्य जारि रहेको ।
लागूऔषध सहित मानिस नियन्त्रणमा ।
२०८०-१०-२१

जुम्ला, जिल्ला जुम्ला चन्दननाथ नगरपालिका-४ जुगार्ड खोला सडक खण्डमा जिल्ला जुम्ला चन्दननाथ नगरपालिका-६ छिनागाउँ बस्ने वर्ष १८ को शुबास थापा र ऐ.ऐ.१ बस्ने वर्ष १८ को टेगेन्द्र थ्याईतले लागुऔषध (चरेस) जस्तो देखीने कालो पदार्थ साथमा बोकी संकास्पद रुपमा हिडीरहेको अवस्थामा जिल्ला प्रहरी कार्यालय जुम्लाबाट खटीएको  प्रहरी टोलीले दुबै जनालाई रितपुर्वक खानतलासी गर्दा शुबास थापाले माथी तिर लगायको खैरो रंगको हुटको बायाँ हातको बाउलामा भयको गोजी भित्र लागूऔषध (चरेस) जस्तो देखिने सानो ३ (तिन) वटा डल्ला र टेकेन्द्र थ्याईतले तल लगायको कालो रंगको ट्राउजरको दाईने गोजि भित्र लागूऔषध (चरेस) जस्तो देखिने कालो पदार्थ सानो १ (एक) वटा डल्ला फेला पारी दुबैजनालाई नियन्त्रणमा लिई जिल्ला प्रहरी कार्यालय जुम्लामा ल्याई राखिएको, थप अनुसन्धान भईरहेको । 
लागूऔषध सहित मानिस नियन्त्रणमा ।
२०८०-१०-२१

सुर्खेत, जिल्ला सुर्खेत वीरेन्द्रनगर नगरपालिका-४ चन्द्रमान चोक स्थित लागूऔषध व्युरो सुर्खेतबाट खटिएको प्रहरी टोलिले  ऐ.ऐ. बस्ने बर्ष २३ को तपेन्द्र शाहीलाई शंका लागि चेक जाँच गर्दा निजको साथ बाट नापतौल नगरेको ब्राउन सुगर जस्तो देखिने खैरो धुलो पदार्थ १ पुडिया (नाप तौल गर्दा शुद्ध तौल १०० मिलिग्राम) बरामद गरि निजलाई नियन्त्रणमा लिई आवश्यक अनुसन्धानको लागि जिल्ला प्रहरी कार्यालय सुर्खेतमा ल्याई राखिएको, थप अनुसन्धान भईरहेको । 
लागूऔषध सहित मानिस नियन्त्रणमा ।
२०८०-१०-२१

सुर्खेत, जिल्ला सुर्खेत भेरिगंगा नगरपालिका-१२ छिन्चु बजार स्थित नेपालगन्ज बाट बोटेचौर सुर्खेत तर्फ आउदै गरेको बा ५ ख ७७०३ न. को फोर्स गाडीलाई ईलाका प्रहरी कार्यालय छिन्चुबाट खटिएको प्रहरी टोलीले शंका लागि चेकजाँच गर्ने गर्दा ऐ. गाडिमा सवार निम्न स्थान बस्ने निम्न ब्यक्तिहरुको साथ बाट लागूऔषध ब्राउन सुगर जस्तो देखिने खैरो धुलो पदार्थ नापतौल नगरेको ७ पुडिया ( नाप तौल गर्दा शुद्द ६ ग्राम ३३ मिलि ग्राम)  बरामद गरी थप अनुसन्धानको लगी ईलाका प्रहरी कार्यालय छिन्चुमा ल्याई राखीएको, गाडी गन्तब्य तर्फ छाडिएको ।निम्नः १. जिल्ला सुर्खेत गुर्भाकोट न.पा. १० बस्ने बर्ष अ. २५ को यमराज गिरी । २. ऐ.ऐ. ८ बस्ने बर्ष अ. १८ को विबेक बि.क. । ३. ऐ.ऐ. बस्ने बर्ष अ. २५ को महेश के. सी. । 
फरार प्रतिवादी पक्राउ ।
२०८०-१०-१६

सुर्खेत, सम्मानित जिल्ला अदालत सुर्खेतको लगत नं.७२३ को डाँका चोरी मुद्दाको फरार प्रतीबादी जिल्ला सुर्खेत वीरेन्द्रनगर नगरपालिका-४ भैरव स्थान बस्ने बर्ष अ.२६ को बिबेक थापा लाई घरमा लुकिछिपी वसेको अवस्थामा जिल्ला प्रहरी कार्यालय सुर्खेतबाट खटिएको प्रहरी टोलिले घर बाट नियन्त्रणमा लिई जिल्ला प्रहरी कार्यालय सुर्खेतमा ल्याई राखिएको, सम्मानित अदालतमा पठाउने कार्य भईरहेको । 
लागूऔषध सहित मानिस नियन्त्रणमा ।
२०८०-१०-१३

सुर्खेत, जिल्ला सुर्खेत बीरेन्द्रनगर नगरपालीका वडा नं.११ धुलियाबिट बस्ने गोपाल परियारको छोरा बर्ष अं.१६ को सरोज परियार सडकमा पैदल हिडिरहेको अवस्थामा  प्रहरी चौकी सुब्बाकुना सुर्खेतबाट खटिएको प्रहरी टोलिले शंका लागि चेकजाँच गर्दा निजको साथबाट खैरो हिरोईन जस्तो देखिने पदार्थ ५ पुडिया (नापतौल गर्दा शुद्ध तौल ५० मिलिग्राम) लागूऔषध फेला पारी बरामद गरि उक्त लागूऔषध सहित निजलाई पक्राउ गरि जिल्ला प्रहरी कार्यालय सुर्खेतमा ल्याई राखिएको थप अनुसन्धान भईरहेको ।
फरार प्रतिवादी पक्राउ ।
२०८०-१०-११

जाजरकोट, जिल्ला जाजरकोट नलगाड नगरपालिका-३ बस्ने वर्ष ३८ को लागु औषध चरेस मुद्धामा १० महिना कैद सजाय भई फरार रहेको फरार प्रतिवादी धन ब.घर्तीलाई ईलाका प्रहरी कार्यालय दल्लि जाजरकोट बाट खटिएको प्रहरी टोलीले ऐ.१ चिसापानि भन्ने ठाँउबाट नियन्त्रणमा लिई सम्मानित अदालतमा पठाउने कार्य भईरहेको ।
लागूऔषध सहित मानिस नियन्त्रणमा ।
२०८०-१०-०९

सुर्खेत, जिल्ला सुर्खेत वीरेन्द्रनगर नगरपालिका-१२ नेवारे स्थित लागूऔषध व्युरो कर्णाली प्रदेश बाट खटिएको प्रहरी टोली र जिल्ला प्रहरी कार्यालय सुर्खेतबाट खटिएको संयुक्त प्रहरी टोलिले जिल्ला झापा भद्रपुर ३ स्थायी घर भई हाल जिल्ला सुर्खेत वीरेन्द्रनगर नगरपालिका-१२ नेवारे बस्ने बर्ष १९ को अनमोल लामा घर नजिकैको बाटोमा हिडिरहेको अबस्थामा शंका लागि चेकजाँच गर्दा निजको साथ बाट खैरो हिरोईन जस्तो देखिने २ पुडिया लागूऔषध फेला परेको र जिल्ला दैलेख नौमुले गाउँपालिका-५ स्थायी घर भई हाल जिल्ला सुर्खेत वीरेन्द्रनगर नगरपालिका-१२ नेवारे बस्ने बर्ष अन्दाजी १८ को निश्‍चल चन्द समेत लाई सोधपुछ गर्दा निजको घर बाट १ पोका लागूऔषध खैरो हिरोईन जस्तो देखिने पदार्थ समेत फेला पारि (नापतौल गर्दा शुद्ध तौल २ ग्राम २६० मिलिग्राम ) सहित बरामद गरी निज दुवै जनालाई जिल्ला प्रहरी कार्यालय सुर्खेतमा ल्याई राखिएको, थप अनुसन्धान भईरहेको ।
फरार प्रतिवादी पक्राउ ।
२०८०-१०-०९

सुर्खेत,सम्मानित जिल्ला अदालत सुर्खेतको फैसला अनुसार ४ महिना कैद तोकेको फरार प्रतिबादी जिल्ला सुर्खेत गुर्भाकोट नगरपालिका-८ मेहलकुना बजार बस्ने बर्ष ३४को चित्र ब.घर्तीलाई निजको घरमा लुकिछिपी बसेको अवस्थामा प्रहरी चौकी मेहलकुना सुर्खेतबाट खटिएको प्रहरी टोलिले पक्राउ गरी नियण्त्रणमा लिई प्रहरी चौकी मेहलकुनामा ल्याईएको। 
फरार प्रतिवादी पक्राउ ।
२०८०-१०-०९

हुम्ला, जिल्ला हुम्ला नाम्खा गाउँपालिका-१ धिकागाउँ बस्ने मिति २०८०/०६/२१ गते बैकिङ कसुर मुद्दाको फरार प्रतिबादी बर्ष अं.३५ को लाप्का छेटुङ्ग भन्ने लाप्का चेतोङ्ग लामालाई प्रहरी चौकी धारापोरी हुम्लाबाट खटिएको ५ जनाको प्रहरी टोलीले निजको ससुराली घरमा लुकिछिपि बसेको अवस्थामा निजलाई नियन्त्रणमा लिई  जिल्ला प्रहरी कार्यालय हुम्लाबाट सम्मानित अदालतमा पठाउने कार्य भईरहेको ।
लागुऔषध सहित मानिस नियन्त्रणमा ।
२०८०-१०-०७

जिल्ला सुर्खेत विरेन्द्रनगर नगरपालिका वडा नं.१४ साउनेपानी मोड स्थित सुर्खेत-दैलेख सडक खण्डमा सुर्खेतबाट दैलेख तर्फ जादै गरेको जिल्ला दैलेख नारायण नगरपालिका वडा ८ बस्ने बर्ष अन्दाजी ३३ को लक्ष्मण कुमार थापाले चलाएको बा.प्र. ०२-०१५ प ५८८३ नं. को मोटरसाईकलमा सोहि मोटरसाईकलमा पछाडी सवार ऐ.१ बस्ने बर्ष अन्दाजी २४ को प्रबिण तारामी समेत लाई अस्थायी प्रहरी पोष्ट, गोठिकाँडा सुर्खेतबाट खटिईएको प्रहरी टोलीले शंका लागि रोकी चेकजाँच गर्दा निज चालकको हेल्मेट भित्र लुकाई छिपाई राखेको खैरो हिरोईन जस्तो देखिने पदार्थ १७ पुरिया लागुऔषध (शुद्ध ११ ग्राम ४० मिलिग्राम ) फेला पारि निज दुबै जना, उक्त मोटरसाइकल र लागुऔषध समेत बरामद गरि जिल्ला प्रहरी कार्यालयमा, सुर्खेतमा पठाई थप अनुसन्धान भईरहेको ।
लागु औषध सहित मानिस नियन्त्रणमा ।
२०८०-१०-०७

 जिल्ला सुर्खेत भेरिगंगा नगरपालिका वडा नं.५ स्थित अस्थायी प्रहरी पोष्ट, बबईबाट खटिएको प्रहरी टोलीले नेपालगंजबाट सल्लिबजार तर्फ जाँदै गरेको लु २ ख ६८६२ नं. को फोर्स गाडी लाई चेकजाँच गर्ने क्रममा उक्त गाडीमा सवार गुर्भाकोट नगरपालिका वडा नं. ७ बस्ने बर्ष अन्दाजी वर्ष २५ को अबिसेक बादी संकास्पद मानी चेकजाँच गर्दा निजले लगाएको हुकको दाहिने साईडको गोजिमा लागुऔषध ब्राउन सुगर जस्तो देखिने खैरो धुलो पदार्थ (नाप तौल नगरेको) १ पुरिया (शुद्ध ३२० मिलिग्राम) ब्राउन सुगर सहित बरामद गरी निजलाई नियन्त्रणमा लिई थप अनुसन्धानको लागी ईलाका प्रहरी कार्यालय, छिन्चु  पठाई आवश्यक अनुसन्धान भईरहेको ।
फरार प्रतिवादी पक्राउ गरिएको सम्बन्धमा ।
२०८०-१०-०७

सम्मानित जाजरकोट जिल्ला अदालतको लागत नं. १९४ मिति २०७०।०८।१७ गतेको फैसलाले लुटपाट मुद्धामा रु.१४,०००/- जरिवाना तोकिएका फरार प्रतिबादी जिल्ला जाजरकोट नलगाड नगरपालीका ०८ बस्ने वर्ष ४१ को भिम बहादुर दमाई लाई ईलाका प्रहरी कार्यालय, दल्ली जाजरकोटबाट खटिएको प्रहरी टोलीले ऐ.०८ बगरा भन्ने स्थानमा फेला पारी नियन्त्रणमा लिई जिल्ला प्रहरी कार्यालय, जाजरकोट पठाई आवश्यक अनुसन्धान कार्य भैईरहेको ।
३ जना फरार प्रतिबादी पक्राउ सम्बन्धमा ।
२०८०-१०-०७

सम्मानित दैलेख जिल्ला अदालतको लागत नं. १२८२ मिति २०७९।११।१६ गतेको फैसलाले चेक अनादर मुद्धामा जरिवाना रू. २०००।- तोकिएका फरार प्रतिबादी जिल्ला दैलेख दुल्लु नगरपालिका वडा नं. ०४ बस्ने कपिल खनाल, लागत नं. १२२३ मिति २०७९।०५।१३ गतेको फैसलाले चेक अनादर मुद्धामा  जरिवाना रू ५००।– तोकिएका फरार प्रतिबादी जिल्ला दैलेख दुल्लु नगरपालिका वडा नं.०८ बस्ने हरिष खत्री र लागत नं. ६८८ मिति२०७१।०७।१९ गतेको फैसलाले कुटपिट मुद्धामा जरिवाना रु.१०।- तोकिएका फरार प्रतिबादी जिल्ला सल्यान कुमाख मालिका गाउँ पालिका वडा नं. ०४ बस्ने महेन्द्र नाथ योगि गरि ३ जना व्यक्तिहरुलाई जिल्ला प्रहरी कार्यालय दैलेखबाट सादा पोसाकमा खटिएका प्रहरी टोलिले निजहरुलाई विभिन्न स्थान बाट पक्राउ गरी जिल्ला प्रहरी कार्यालय, दैलेखमा ल्याई सम्मानित जिल्ला अदालत दैलेखमा उपिस्थत गराई आवश्यक कारवाही भएको ।
लागु औषध सहित मानिस पक्राउ ।
२०८०-१०-०७

लागु औषध व्युरो कर्णाली प्रदेश, सुर्खेतबाट खटिएको प्रहरी टोलीले जिल्ला सुर्खेत वीरेन्द्रनगर नगरपालिका वडा नं. ११ पदमपुर बस्ने बर्ष २६ को राजु बि.क. लाई निजकै घर बाट प्लाष्टिक सहित ९५० मिलिग्राम शुद्व ४६० मिलिग्राम लागुऔषध सहित नियन्त्रणमा लिई जिल्ला प्रहरी कार्यालय, सुर्खेतमा ल्याई थप अनुसन्धान भईरहेको ।
फरार प्रतिबादी पक्राउ ।
२०८०-१०-०७

सल्यान,सम्मानित जिल्ला अदालत सल्यानको डाँकाचोरी मुद्दामा लगत नं. ७१-०८०-००२६ को मिति २०८०।०२।१० गतेको फैसला अनुसार रु.२५,०००।–(पचिस हजार ) र १ बर्ष कैद सजाय तोकिएको फरार प्रतिबादी जिल्ला सल्यान बागचौर नगरपालिका वडा नं. ९ बस्ने बर्ष ३२ को दिपक खडकालाई अस्थायी प्रहरी पोष्ट, पातिहाल्ना सल्यानबाट खटिएको प्रहरी टोलीले आफ्नै घरमा लुकि छिपी बसेको अबस्थामा घर बाटै नियन्त्रमा लिई आवश्यक कारवाहीको लागी जिल्ला अदालत मार्फत कारागार चलान गरिएको । 
अवैध काठ वरामद ।
२०८०-१०-०७

जिल्ला सुर्खेत पन्चपुरी नगरपालिका वडा नं.५ बाबियाचौर बजारमा रहेको कबि कमल कृष्ण स-मिलमा वेवारिसे अवस्थामा साल जातको काठ छ भन्ने गोप्य सूचनाको आधारमा ईलाका प्रहरी कार्यालय, बाबियाचौरबाट खटि गएको प्रहरी टोलीले चेकजाँच गर्दा उक्त मिलबाट साल जातको १० वटा गोलिया काठ (२९०.९९ क्यु फिट) फेला पारी बरामद गरी नियन्त्रणमा लिई आवश्यक कारबाहीको लागी पन्चपुरी ईलाका बन कार्यालय, सुर्खेतमा आवश्यक कारवाहीको लागि बुझाईएको साथै मिल संचालक फेला नपरेको ।
लागुऔषध सहित मानिस नियन्त्रणमा ।
२०८०-१०-०४

जिल्ला सुर्खेत वीरेन्द्रनगर नगरपालिका वडा नं. ४ गैरी टोल स्थित लागुऔषध ब्राउनसुगरको कारोवार भइरहेको  भन्ने गोप्य सुचनाको आधारमा लागुऔषध व्युरो शाखा कार्यालय सुर्खेत र जिल्ला प्रहरी कार्यालय सुर्खेत बाट खटिएको प्रहरी टोलिले जिल्ला सुर्खेत वीरेन्द्रनगर वडा नं. ४ गैरी टोल बस्ने बर्ष २२ को अभिशेक बस्याल ऐ.ऐ. बस्ने बर्ष १८ को अनिल बस्याल र ऐ.ऐ. बस्ने बर्ष १८ कि एलिना बस्याललाई चेक जाँच गर्ने क्रममा नापतौल गर्दा ब्राउन सुगर जस्तो देखिने खैरो धुलो पदार्थ शुद्घ २ ग्राम २० मिलिग्राम बरामद गरि निजहरुलाई नियन्त्रणमा लिई आवश्यक अनुसन्धानको लागि जिल्ला प्रहरी कार्यालय सुर्खेतको हिरासतमा राखिएको, थप अनुसन्धान भईरहेको ।
अधिक लोड >>
कम देखाउनुहोस् <<

वैशाख २०८१

चैत्र २०८०

फाल्गुण २०८०

माघ २०८०

पौष २०८०

मंसिर २०८०

कार्तिक २०८०

आश्विन २०८०

भदौ २०८०

श्रावण २०८०

असार २०८०

जेष्ठ २०८०

वैशाख २०८०

चैत्र २०७९

फाल्गुण २०७९

माघ २०७९

पौष २०७९

भदौ २०७९

श्रावण २०७९
अधिक लोड >>
कम देखाउनुहोस् <<